“НАМРЫН НОГООН ӨДРҮҮД -2020” ҮЗЭСГЭЛЭН ХУДАЛДААНЫ ШИЛДГҮҮД ТОДОРЛОО

        “Эрүүл хүнс-Эрүүл Монгол хүн” үндэсний хөтөлбөрийн хүрээнд 15 дах жилдээ “Намрын ногоон өдрүүд-2020” үзэсгэлэн худалдаа зохион байгуулагдаж 15 аймгийн 31 сумын нийт 150 гаруй ногоочин, 3 аж ахуйн нэгж, 6 хоршоо, “Монгол ногоо”, ”Хоршоолсон хэлбэрээр хүнсний ногоо эрхлэх замаар өрхийн амьжиргааг сайжруулах”, “Адра” төсөл, ХААИС-ийн Агроэкологийн сургууль, Хөдөө аж ахуйн үйлдвэрлэлд шинжлэх ухааны ололтыг нэвтрүүлэх төв Нийслэлийн мэргэжлийн хяналтын газар,  Монголын хөдөөг шинэчлэхийн төлөө фермерүүдийн холбоо, Хүлэмжийн холбоо, Ногоочдын холбоо, Монголын Хүнсчдийн холбоо оролцсоноос ажлын хэсэг үзүүлэлтийн дагуу шилдгүүдийг шалгаруулан цом, өргөмжлөлөөр шагналаа.

“Зохион байгуулалт сайтай оролцсон аймаг”-аар Хүлэмжийн цогцолбор аж ахуйн талбайг 2017 онд БНСУ, ХААИС-тай хамтран байгуулж, 2020 онд говийн бүсийн үр үржүүлгийн төв болгон өргөжүүлж, 4 сумын 15 ногоочдыг үзэсгэлэнд оролцуулж 50 тн төмс, хүнсний ногоо, жимс жимсгэнэ, 4800 ширхэг даршилж нөөшилсөн бүтээгдэхүүний 120.0 гаруй сая төгрөгийн борлуулалт хийсэн амжилтаар Өмнөговь аймаг, “Шилдэг сум”-аар газар тариалангийн үйлдвэрлэлийн хэмжээ, сонгино, сармисны нэр төрлийг нэмэгдүүлэн үзэсгэлэнд 14 ногоочин оролцуулж 0,8 тн сармис, 1,5 тн сонгино борлуулж нийт 42,5 сая төгрөгийн борлуулалт хийсэн амжилтаар Сэлэнгэ аймгийн Зүүнбүрэн сум, “Зохион байгуулалт сайтай оролцсон байгууллага”-аар экспресс лаборатори ажиллуулан 300 гаруй ургамлын гаралтай дээж бүтээгдэхүүнд шинжилгээ хийж, ногоочдод үнэ шинжилгээний хариуг төлбөргүй танилцуулан эрүүл ахуй, хүнсний аюулгүй байдлын  зөвлөгөө өгч ажилласан ХААИС-ийн Агроэкологийн сургуулийн “Таримал судлал, ой, ландшафтын тэнхим”, “Шилдэг хоршоогоор” 9  гишүүдээ зохион байгуулалт сайтай оролцуулж, 10 гаруй нэр төрлийн хүнсний ногоо тариалж  3 тн төмс, хүнсний ногоо, 0,5 тн тарвас, хулуу, 0.2 тн лооль, 7 төрлийн 500 гаруй шил нөөшилсөн  бүтээгдэхүүн борлуулснаар Хан-Уул дүүргийн “Туул алтан хөрш” хоршоо, “Шилдэг аж ахуй нэгж”-ээр 240 м² хүлэмжийн талбайд 2 төрлийн хүнсний ногоо, 1 га талбайд 8 нэр төрлийн хүнсний ногоо тариалж, үзэсгэлэн худалдаанд 2 тн хүнсний ногоо, 8 нэр төрлийн 500 шил нөөшилсөн бүтээгдэхүүн борлуулснаар Сүхбаатар дүүргийн “Бэлшэр-Эх” ТББ, “Шинэ сортын ногоо нутагшуулж тарьсан ногоочин”-ноор Сэлэнгэ аймгийн Мандал сумын ногоочин А.Отгончимэг, “Шинэ сортын ногоо нутагшуулж тарьсан ногоочин-хүлэмжээр”-ээр Сэлэнгэ аймгийн Шаамар сумын ногоочин С.Ширнэн, “Хамгийн олон нэр төрлийн ногоо тарьж, сурталчилсан ногоочин”-оор Сэлэнгэ аймгийн Сүхбаатар сумын ногоочин Б.Цэцэгээ, Сэлэнгэ аймгийн Шаамар сумын ногоочин М.Ариунаа, “Хамгийн их төмс борлуулсан ногоочин”-оор Увс аймгийн Улаангом сумын ногоочин П.Янжин, “Шилдэг жимсчин”-ээр Өмнөговь аймгийн Булган сумын  Г.Энхтуяа,  “Шилдэг ногоочин”-оор Сэлэнгэ аймгийн Зүүнбүрэн сумын ногоочин Д.Алтанцэцэг, Шаамар сумын ногоочин Б.Нандин-Эрдэнэ, Мандал сумын ногоочин Р.Нармандах, Ховд аймгийн “Хөх цөцгийт хоршоо”, Сэлэнгэ аймгийн Мандал сумын ногоочин Ч.Эрдэнэ-Сувд, “Эмийн ургамлын  борлуулат”-аар Орхон аймгийн Оюут багийн иргэн  Х.Ганцэцэг, “Зөгийн бал борлуулалт”-аар Сонгинохайрхан дүүргийн “Хурын шим” ХХК, “Жимс, жимсгэнийн суулгац борлуулалт”-аар Увс аймгийн иргэн Ц.Батдэлэг, “Байгалийн жимс  борлуулалт”-аар Завхан аймгийн Тосонцэнгэл сумын иргэн О.Мөнхөө, “Хүүхдэд зориулсан хүнсний шилдэг бүтээгдэхүүн”-ээр Витафит милк ХХК-ийн Пороро сүү, “Шинэ нэр төрлийн шилдэг бүтээгдэхүүн”-ээр Траст трейд ХХК-ийн Хотол нитритгүй зайдас, “Орон нутгийн хүнсний шилдэг бүтээгдэхүүн”-ээр Архангай аймгийн “Бага рашаант” ХХК-ийн Амин чанар сүүний уургийн багц, “Хүнсний импортыг орлох шилдэг бүтээгдэхүүн”-ээр Талх чихэр ХК-ийн Сарьдаг жигнэмэг, “Хүнсний экспортын шилдэг бүтээгдэхүүн”-ээр Силк роуд мэжик ХХК-ийн Уулын бяслаг, “Дархлааг дэмжих шинэ бүтээгдэхүүн”-ээр АПУ дэйри ХК-ийн Д аминдэмээр баяжуулсан сүү, “Орон нутгийн шилдэг санаачлага”-аар Сүхбаатар аймгийн “Ариун хатавч” ХХК-ийн Хөмүүлийн сорс, Говьсүмбэр аймгийн “Дэлийн булаг” нөхөрлөлийн ааруулын цуглуулга шалгарсан байна.

Энэ удаагийн үзэсгэлэн худалдаанд оролцогчид  хоршоо, бүлэглэлээрээ хамтран оролцож байгальд ээлтэй технологиор хийгдсэн органик бүтээгдэхүүнүүдийг түлхүү үйлдвэрлэж танилцуулж байснаараа онцлог байлаа.

БОНА итали органик бордоо

Дэлхийд тэргүүлэгч итали технологиор  таван хошуу малын ясаар европ стандартад нийцүүлсэн хийсэн органик бордоо юм. Бүх төрлийн таримал ургамал, жимс, жимсгэнэ, хүнсний ногоо, байгалийн нөхө сэргээлт, ойжуулалт цэцэрлэгжүүлэлтэд зайлшгүй шаардлагатай Азот, фосфор, калиар баялаг, химийн найрлагагүй бүтээгдэхүүн юм.

АМИН ЧАНАР сүүний уураг пептид

            Сарлагийн сүүний уургийг амин хүчил, пептид болгон задалсан  учир заавал дасгал хөдөлгөөн хийх шаардлагагүй 10-15 минутын дотор  хүнйи биед бүрэн шингэдэг. Орлогдох болон үл орлогдох 18 амин хүчил агуулсан ба 64%-ийн уургийн агууламжтай, 20 төрлийн эрдэс бодис агуулжээ.

ДЭМ овьёос арвайн бүрдэл

Сүүн гэр ХХК-ийн Дэм бөмбөлөг нь хөх тариан арвай болон овьёосын чиа үр, хатаасан ананас, цангис жимс, наранцэцгийн үр, үзмээр баяжуулж, идээний охь манлай шар тосоор зуурч зөгийн балаар амтлан, органик какао, шоколадаар бүрж, уламжлалт, орчин үеийн технологийг хослуулан гаргаж авсан бүтээгдэхүүн юм. “Өглөө бүр өлгөн элгээ зөв тайл”-санаар элгэн дэх хорыг гадагшлуулж, элэгний үйл ажиллагааг дэмжихийн зэрэгцээ гэдэсний гүрвэлзэх хөдөлгөөнийг нэмэгдүүлж өтгөн хаталтыг багасгах, хэвлийн таргалалт, илүүдэл жинг бууруулах, элэгний өвчлөлөөс урьдчилан сэргийлэх үйлчилгээтэй.

ШАГАЙ ааруул

Идээний дээж цэвэр сүүгээр үйлдвэрлэсэн "Шагай ааруул” нь yүүдэлчин Монголчууд бидний уламжлалт шагайн наадгайтай ижил эд хөрөнгө, идээ ундаа арвижихын бэлгэдлээр дүрслэн хийсэн бөгөөд  идээнд өнгө нэмж, эрүүл мэндэд ач тусаа өгөх экологийн цэвэр бүтээгдэхүүн юм. "Шагай ааруул”-ыг 100% цэвэр аарцаар хийсэн сүүн ааруул хийх өвөрмөц арга технологиор үйлдвэрлэсэн  амт чанар дээд зэргийн ааруул бөгөөд оюуны өмчөөр хамгаалагдсан байна.

СҮҮН ЧИХЭР

Хүнсний нэмэлт, химийн бодис, генийн өөрчлөлтгүй, транс тос ороогүй бэлчээрийн  үнээний цэвэр сүүгээр хийсэн Өвөрхангай аймгийн Хужирт сумын брэнд бүтээгдэхүүн сүүн чихэр. Чихрийн орцод зөвхөн үнээний сүү, элсэн чихэр л оржээ. Гол түүхий эд нь сүү учраас уургаар баялаг /Уураг 14,5%, тослог 13%, чихэрлэг 28,4%/ бүтээгдэхүүн болжээ.

ОТОЧ ТЭМЭЭ тос

Оточ тэмээ тосыг тэмээний чөмөгнөөс гаргаж авсан бөгөөд үе мөч, хүүхдийн нуралт, хаван, хөхрөлт, гэдэсний өөхжилт,  таргалалт, ясны сийрэгжилт, арьсны харшил, түлэнхийн болон бэртэл гэмтлийн шинэ сорив арилгах, хэвтрийн цооролтоос хамгаалах зорилгоор хэрэглэхэд тустай, арьсанд гаж нөлөөгүй цэвэр бүтээгдэхүүн ажээ.