“Хүнсний аюулгүй байдал ба инноваци” сэдэвт хоёр өдрийн сургалтыг зохион байгууллаа.

        ХААИС-ийн Хөдөө аж ахуйн эдийн засаг, инновацийн хөгжлийн төв Монголын бүтээмжийн төвтэй хамтран “Хүнсний аюулгүй байдал, чанарыг хангах тогтвортой өртгийн сүлжээ” чадавхыг бэхжүүлэх үндэсний семинарын хүрээнд “Хүнсний аюулгүй байдал ба инноваци” сэдэвт хоёр өдрийн сургалтыг 2019 оны 05 дугаар сарын 20-ноос 21-ний өдрүүдэд зохион байгууллаа.

        Сургалтанд ХААИС-ийн бүрэлдэхүүний сургууль, хүрээлэн, төвүүдийн багш, судлаач, эрдэм шинжилгээний ажилтан, мэргэжилтнүүд хамрагдсан бөгөөд Монголын бүтээмжийн төвийн урилгаар Азийн бүтээмжийн байгууллагын мэргэжилтэн доктор Чиу, ноён Ён нар хүрэлцэн ирж хоёр өдрийн танхимын сургалтаар маш сонирхолтой илтгэл хэлэлцүүллээ.
Азийн бүтээмжийн байгууллагын мэргэжилтэн доктор Чиу “Ухаалаг мал аж ахуйн гол үзэл баримтлал, чиг хандлага”, “Хөдөө аж ахуйн маркетинг, үйлчилгээний системийг тоон системд оруулах” талаар Тайвны туршлагыг танилцуулж “Хүнсний аюулгүй байдал, чанарыг нэмэгдүүлэхийн тулд хүнсний өртгийн сүлжээг сайжруулахад дижитал технологийг нэвтрүүлэх нь” сэдвээр юмсын интернэт, блокчайн, биг дататай хиймэл оюун ухааныг хөгжүүлэх зэрэг өнөө цагт хөдөө аж ахуйн салбарт шинэ, ухаалаг техник, технологиудыг нэвтрүүлэх талаар, Азийн бүтээмжийн байгууллагын мэргэжилтэн ноён Ён “Мөшгөлтийн технологийг нэвтрүүлэх нь” хичээлээр мөшгөлтийн системийг хэрхэн нэвтрүүлэх, түүний ач холбогдол, арга техникийг заасан юм.