ОЮУТНЫ ИННОВАЦЫН ШИЛДЭГ БҮТЭЭЛ ШАЛГАРУУЛАХ “ГАВАЛ ТОЛГОЙ” УРАЛДААНЫ ШИЛДГҮҮД ТОДОРЛОО

Төрийн өмчийн нэр бүхий 6 их сургуулийн захирлуудын 2021 оны 02 дугаар сарын 26-ны өдөр байгуулсан хамтран ажиллах санамж бичгийн хүрээнд АШУҮИС, МУИС, ХААИС, МУБИС, ШУТИС, СУИС-ийн оюутны инновацын шилдэг бүтээл шалгаруулах “Гавал толгой” уралдааныг ХААИС-иас санаачлан Монголын инновацын 7 хоногийн хүрээнд 2022 оны 04 дүгээр сарын 05-ны өдрөөс 2022 оны 05 дугаар сарын 17-ны өдөр хүртэл хугацаанд зохион байгууллаа.

Оюутнуудын, суралцах хугацаандаа эзэмшсэн мэдлэг, ур чадвараа үйлдвэрлэлийн тулгамдсан асуудлыг шийдвэрлэхэд бүтээлчээр ашиглах дадал олгох, тэдний бүтээлч сэтгэлгээг хөгжүүлэх, улмаар улс орны хөгжлийн тулгамдсан асуудлыг дэвшилтэт техник, технологи, инновац ашиглан оновчтой шийдвэрлэх, гарааны бизнес эрхлэх сонирхлыг хөхиүлэн дэмжих зорилготойтоор анх удаа төрийн өмчийн 6 их сургуулийн оюутны инновацын шилдэг бүтээлийг III үе шаттай шалгаруулсан юм.   

“Гавал толгой” уралдааны эхний шат 2022 оны 05 дугаар сарын 03-06-ны өдрүүдэд хамтран зохион байгуулагч их сургууль тус бүрдээ шалгаруулалт зохион байгуулагдсан бөгөөд сургууль тус бүрээс шалгарсан шилдэг 5 бүтээл нийт 25 шилдэг бүтээлийг 2 дугаар шатанд танилцуулахаар шийдвэрлэсэн болно.

“Гавал толгой” уралдааны II шатнышалгаруулалт 2022 оны 05 дугаар сарын 10-ны өдөр Мэдээлэл технологийн үндэсний парк (МТҮП)-д амжилттай зохион  байгуулагдаж,  шилдэг 10 бүтээлийг шалгаруулж, 3 дугаар шатанд оруулахаар болсон билээ.

Уралдаанд үйлдвэрлэл, үйлчилгээнд ухаалаг технологи ашиглах, хүн эмнэлгийн эмчилгээний дэвшилт технологи боловсруулж, практикт нэвтрүүлэх, органик технологиор хүнс үйлдвэрлэлийг дэмжих, хөрсний үржил шимийг нэмэгдүүлэх органик бордоо үйлдвэрлэл, хүнсний ногооны үйлдвэрлэлийн дэвшилтэт техник, технологийн шийдэл зэрэг улс орны хөгжлийн тулгамдсан асуудлыг оновчтой шийдвэрлэхэд чиглэгдсэн маш сонирхолтой бүтээлүүд өрсөлдөж “Гавал толгой” уралдааны II шатын шалгаруулалтаас III шатны шалгаруулалтад

- ХААИС-ийн Мал аж ахуй биотехнологийн сургуулийн Сүү үйлдвэрлэлийн  IV ангийн оюутан Н.Батчимэгийн “Мойлтой ээдэм үйлдвэрлэх технологийн судалгаа”

- ШУТИС-ийн Үйлдвэрлэлийн технологийн сургуулийн Хоол үйлдвэрлэл, үйлчилгээний технологийн III ангийн оюутан О.Хаш-Эрдэнэ, Ц.Жаргалдалай, Э.Мөнх-Оргил, Г.Ням-Очир, Э.Анударь нарын “Дайвар бүтээгдэхүүн (5 цул)-ий шөлний бэлдмэл”

- МУБИС-ийн Математик, байгалийн ухааны сургуулийн Программ хангамжийн IV ангийн оюутан Г.Эрдэнэчимэг, Б.Энхцэнгүүн нарын “Ухаалаг хөгжмийн программ  хөгжүүлэлт”

- АШУҮИС-ийн Био-Анагаахын сургуулийн Био-Анагаах судлаачын I ангийн оюутан Н.Халиунаа, Анагаах ухааны сургуулийн Хүний их эмчийн VI ангийн оюутан Г.Доржбалам “Анхан шатны эрүүл мэндийн тусламж үйлчилгээг иргэдэд ойртуулах апп”

- МУИС-ийн Хууль зүйн сургуулийн Гадаад хэл, орон судлалын II ангийн оюутан С.Гантуяа,, Эрх зүйн I, IV ангийн оюутан Б.Болдсайхан, Г.Сүлд-Эрдэнэ, Б.Энгүүн нарын “LegalTech хууль зүйн туслалцаа үзүүлэх веб сайт”

- ШУТИС-ийн Мэдээлэл холбооны технологийн сургуулийн Компьютерийн ухаан, Хиймэл оюун ухаан, Мэдээлэл технологи, программ хангамжийн Э.Мөнх-Оргил, Б.Очирсүх, Б.Баттулга, Ж.Марал, Д.Ууганбаяр, А.Дашням, М.Болортоль нарын “Ухаалаг видео аналитикийн системийн хөгжүүлэлт”

- ХААИС-ийн Дархан-Уул аймаг дахь Агроэкологи бизнесийн сургуулийн Агрономийн IV ангийн оюутан 3 Б.Насанжаргал, III ангийн оюутан Ч.Бямбадорж нарын “Компост бордоо”

- ХААИС-ийн Инженер технологийн сургуулийн Цахилгаан хангамжийн IV ангийн оюутан Г.Хуягсүрэн, Б.Өлзийсайхан, Ш.Анхцэцэг, Б.Гүнжидмаа нарын “Чоно үргээх төхөөрөмж”

- ХААИС-ийн Инженер технологийн сургуулийн Хөдөө аж ахуйн инженерийн IV ангийн оюутан И.Цэдэнжав, Н.Баасандамба, Б.Төрсайхан нарын “Төрөл бүрийн хүнсний ногоо үрлэх олон үйлдэлт үрлүүр зохион бүтээж туршсан дүн”

- ШУТИС-ийн Механик тээврийн сургуулийн Үйлдвэрлэлийн автоматжуулалтын IV ангийн оюутан М.Мөнх-Эрдэнэ, Г.Цэдэндамба нарын “Усанд шумбагч сорил шинжилгээний робот”  гэсэн 10 бүтээл шалгарлаа.

“Гавал толгой” уралдааны III шат буюу шилдгийн шилдгийг шалгаруулах эцсийн шатны уралдаан 2022 оны 05 дугаарын 17-ны 11:00 цагаас Мэдээллийн технологийн үндэсний паркийн 302 тоот танхимд зохион байгуулагдлаа.

Шалгаруурлалтын журмын дагуу I байрт нэг, II байрт хоёр, III байрт гурав, тусгай байрт дөрвөн бүтээл шалгаруулж дүгнэлээ.  Үүнд

I байрт

ШУТИС-ийн Механик тээврийн сургуулийн Үйлдвэрлэлийн автоматжуулалтын IV ангийн оюутан М.Мөнх-Эрдэнэ, Г.Цэдэндамба нарын “Усанд шумбагч сорил шинжилгээний робот”  шалгарч 2 000 000 төгрөг, Мэдээллийн технологийн үндэсний паркийн Вертуал инкубаторт 2 жил орох 450.000 төгрөгийн үнэ бүхий эрхийн бичиг, ОУ-ын Мэдээллийн технологийн инженерийн шалгалтыг төлбөргүй өгөх эрхийн бичгээр,

II байрт

1. ХААИС-ийн Инженер технологийн сургуулийн Хөдөө аж ахуйн инженерийн IV ангийн оюутан И.Цэдэнжав, Н.Баасандамба, Б.Төрсайхан нарын “Төрөл бүрийн хүнсний ногоо үрлэх олон үйлдэлт үрлүүр зохион бүтээж туршсан дүн”
2. ШУТИС-ийн Үйлдвэрлэлийн технологийн сургуулийн Хоол үйлдвэрлэл, үйлчилгээний технологийн III ангийн оюутан О.Хаш-Эрдэнэ, Ц.Жаргалдалай, Э.Мөнх-Оргил, Г.Ням-Очир, Э.Анударь нарын “Дайвар бүтээгдэхүүн (5 цул)-ий шөлний бэлдмэл” шалгарч тус бүр 1.000.000 төгрөг, Мэдээллийн технологийн үндэсний паркийн 350.000 төгрөгийн үнэ бүхий сургалтын эрхийн бичгээр,

III байрт

1. ХААИС-ийн Дархан-Уул аймаг дахь Агроэкологи бизнесийн сургуулийн Агрономийн IV ангийн оюутан 3 Б.Насанжаргал, III ангийн оюутан Ч. Бямбадорж нарын “Компост бордоо”
2. МУИС-ийн Хууль зүйн сургуулийн Гадаад хэл, орон судлалын II ангийн оюутан С.Гантуяа,, Эрх зүйн I, IV ангийн оюутан Б.Болдсайхан, Г.Сүлд-Эрдэнэ, Б.Энгүүн нарын “LegalTech хууль зүйн туслалцаа үзүүлэх веб сайт”
3. ШУТИС-ийн Мэдээлэл холбооны технологийн сургуулийн Компьютерийн ухаан, Хиймэл оюун ухаан, Мэдээлэл технологи, программ хангамжийн Э.Мөнх-Оргил, Б.Очирсүх, Б.Баттулга, Ж.Марал, Д.Ууганбаяр, А.Дашням, М.Болортоль “Ухаалаг видео аналитикийн системийн хөгжүүлэлт” шалгарч тус бүр 500.000 төгрөг, Мэдээллийн технологийн үндэсний паркийн 300.000 төгрөгийн үнэ бүхий сургалтын эрхийн бичгээр,

Тусгай байрт

1. ХААИС-ийн Инженер технологийн сургуулийн Цахилгаан хангамжийн IV ангийн оюутан Г.Хуягсүрэн, Б.Өлзийсайхан, Ш.Анхцэцэг, Б.Гүнжидмаа нарын “Чоно үргээх төхөөрөмж”
2. ХААИС-ийн Мал аж ахуй биотехнологийн сургуулийн Сүү үйлдвэрлэлийн  IV ангийн оюутан Н.Батчимэгийн “Мойлтой ээдэм үйлдвэрлэх технологийн судалгаа”
3. АШУҮИС-ийн Био-Анагаахын сургуулийн Био-Анагаах судлаачын I ангийн оюутан Н.Халиунаа, Анагаан ухааны сургуулийн Хүний их эмчийн VI ангийн оюутан Г.Доржбалам “Анхан шатны эрүүл мэндийн тусламж үйлчилгээг иргэдэд ойртуулах апп”
4. МУБИС-ийн Математик, байгалийн ухааны сургуулийн Программ хангамжийн IV ангийн оюутан Г.Эрдэнэчимэг, Б.Энхцэнгүүн нарын “Ухаалаг хөгжмийн программ  хөгжүүлэлт” шалгарч тус бүр 200.000 төгрөгөөр шагнаж урамшууллаа.

Хариуцан зохион байгуулагч: Хөдөө аж ахуйн их сургууль

Хамтран зохион байгуулагч: Төрийн өмчийн 6 их сургууль, Мэдээлэл технологийн үндэсний парк